Ըստ իս բարության մասին պատկերացումները բոլորի մոտ տարբեր են: Ինձ համար բարությունը ՝ լավ վերաբերմունքն է մարդու նկատմամբ, կարեկցանքը, դժվար պահին ձեռք մեկնելը և ներելը: Բարությունը մարդու էության մի մասն է և Աստծո կողմից շատ թանկ է գնահատվում: Բարի մարդկանց ընկալում ենք որպես ազնիվ, կամեցող, նաև ալտրուիստ(այլասեր) և սրտացավ։ Բարիի հակառակն է չարը։ Մենք «չարին» պատկերացնում ենք որպես վատը։ Իմ կարծիքով չարությունը կարծես թե կկործանի աշխարհը, կփոխի մարդուն և այլն։ Մենք բոլորս էլ ունենք և՛ բարի և՛ չար կողմեր։ Կարծում եմ մարդը իր ողջ կյանքի ընթացքում չի կարող միայն բարի գործեր անի և մարդու դրսևորումը տարբեր իրավիճակներում կախված է տվյալ իրավիճակից։ Հանճարեղ փիլիսոփա Սոկրատեսը ասում է. «Ով իմաստուն է, նա բարի է»։ Կարող ենք գալ այն եզրակացության, միշտ չէ, որ իմաստուն մարդիկ բարի են: Կարող են լինել իմաստուն, բայց միաժամանակ կարող են լինել չար։
Ելենա Միսակյան 